کورجان کندیم -شعر ترکی از حاج محبعلی امینی

شعر ترکی کوریجان کندیم از حاج محبعلی امینی به قلم فرزندش جواد امینی:

1-                دوردوم گدم کورجانوما باش وورام /  نه کورجانا ئوزجانوما باش وورام

2-                یکه چایا کورپوسونه    باغلارا /   آیریلیق دن ئوز باغریما داش وورام

3-                ماران ریکان لتگاه بیز قونشی دی/ گاه شیرین دی،گاه آجی دی تورشی دی

4-                قالان کیم دی گدن کیم دی ئولن کیم؟/ بیزی یادا سالان قوناخ ورن کیم؟

5-                مسچید دالی چوقور محله دوز محله /گوینوم ایستر یا باش وورام یا کله

6-                 چوخ قاشموشام اویناموشام یاتموشام / بارماقومی خوم شیریه باتموشام

7-                پالان تیکه چرچی لر ساتموشام/  اوشاخلارا چلیک چوپون آتموشام

8-                خرمن یری سالور آباد یونجالوق / الله ورسین کورجان نیا بیر ساقلوق

9-                امامزادا جعفر )ع)کند چراغ دی / هر کیم درد توش سه اونا قوناق دی

10-            امام زادا جعفر مطلب ورن دی           هرکیم درد توشوب اونی سون دی

11-            کورجان نولار بیلمسلر قدرینی                     الله بیلر  تهران بیلر قدرینی

12-            ایل لر دی بو آقا بیزی ساخلیوب                کندیمیزه دوشمن یولون باغلیوب

13-            امامزادا جعفر بیز دایاخ دی                        کورجان ئوزدی امام زادا دوداخ دی

14-            امامزادا یو ل لارو نون صفاسی                             آقاشلوخدا قوشلار سری صداسی

15-            یکه چایا اوشاق چاقی گدر دیک                 او بوز سودان قوم دولدوروب ایچردیک

16-            یکه چایون حییف سویی قوریوب                  اونون ایچین ماساچو لار تاریوب

17-            یادیمدادی اوشاق چاقین دکند د                  چوپان لارون سوری لاری گدند

18-            توخ اولمازدوم اوشاق لیقدا یوخودان           دال قالمازدوم دووار لاردان سورودان

19-            حاج اشرفین قهوه سینه گدردیم                  بش قرانا صبح اخشاما ایش لردیم

20-            بویوم چاتمازدی بیر گورم میز لری           یوسخول لوخدان آدام گورر دیز لری

21-            خالام یولدا منیم یولوم کسردی                یومورتادان کیشمیش لردن ورردی

22-            دی یردی که منه باجوم تاپشوروب           جیگریمه باغروما قان باسدوروب

23-            سن گدنده کوچه لر ده باج اوغلی             یادیم دادی یاش توکند باج اوغلی

24-            هچ بیلمزدیم خالام نیه آغلیور ؟                خاطرینی باجوسونا باغلیور

25-            حاج اشرفین قهوه سین دن کورجانا          چوخ یول دییل بیر خورداجا اوشاقا؟

26-            آتا آنا اولمیاندا یاماندی                             یتیم لیق د صغیر قالان آمان دی

27-            فقیر لیق و یتیم لیق و تک لیق د                   ئولس اوشاق یی دی قالا زنجیر د

28-            چوخ دیمیرم آجولاردا بلادان                     محبتی خلق الیوب یارادان

29-            شیخ تقی نین قورآن درسی چوخ گوزل       اوشاخلارا ئورگدردی مین غزل

30-            چرچی لرین سسسی باشیمدا گزر  /  حلوای گز پالانا ایندی ورر؟؟

31-            واراداشون رسمی ایندی تاپول ماز  / کورجان نولار بیر بیرین تای اولماز

32-            کورجان منیم چوخ شی لریم آلوب سان       ننه دد  قارداشومی آلوب سان

33-            ارباب لارون یر لرینی بولدول/  خوش نشین لر ارباب اولوب ئولدول

34-            کورجان کندیم فقط منی دوغوب سان /   عزیز لریم فامیل لریم بوغوب سان

35-            بیر بله کند منیم حقیم هاردادی ؟   اوشاخ لوقا قوجالوقا چاتمادی؟

36-            ننه مالی دده مالی ئوز مالوم / ییدی منیم مالومی دا ئوز قانوم

37-            غریبه لر ییس آدامون مالون / غوصاسی یوخ غریبه ده یوخ قانون

38-            کورجان منیم دد مالوم سن ددی /خبرین وار ددم اوی کیم د دی؟

39-            کورجان سندن گلیلیگیم چوخ دییل    /   دونیا رسمی گلیب گدیم چوخ دییل

40-            کورجان قیزلار اوغلان ناری دوغوبسان /نچه سینی قارنوندا ساخلیوب سان؟

41-            یاس لار توی لار چوخ دی سن د آی کورجان/  گورممیشم چوخ لارونی آی کورجان

42-            سن آتان دا تهران منی بیراخمور /    گوینوم ایستر ،تهران منی براخمور

43-            هچ بیلمدیم نجه گلدیم تهرانا /     گلدیم بلکه یاتموش بختیم اویانا

44-            اویان مادی بختیم اونی ایتیردیم  /    گجه لری گوننوز لری بیتیردیم

45-            کورجان سن د واردی یاخچی انسان لار/ آدی سان لی شخصیت لر قالان لار

46-            کورجان سنین دورت بیر یانون باغ اولسون/ قوجالارون جوان لارون ساق اولسون

47-            کورجا ننیا عاشورا گون هر زاد دی    /   شیمرین الیند هر یرد فریاددی

48-            ماران ریکان تهران نی لار قوناخ دی  /   دسته لر دن هر نه پیس وار اوزاخ دی

49-            کورجان سند دفینه لر وار  /  دورت مین بش یوز تاریخ و هم سنه وار

50-            72 یتمیش ایکی میلت سن ده دولانور / خیری شری دووارلار دان بویلانور

51-            نوخوش ننم جوان ننم یادیمدا  /   کورسی اوسته یاتان ننم یادیمدا

52-            قونشی فامیل آرواد لاری آغلادی  /  من گولوردوم گولماخ هامون داغلادی

53-            آنلامازدوم یتیم لیقدی تک لیقدی /   بیر تک اوشاق بو دونیادااسکیک دی

54-            جوان ننم هاجر اونون ادیدی  /      هچ گورمدیم بیر کس اونون تاییدی

55-            هاجرننم جوان ننم وای ننم     /    دی یم مدیم سن بیر لای لای ننم

56-            ایندی د وار خاطره لر یادیم دا  / مظلوم ددم چکدیکلری یادیم دا

57-            هاشیم بابا رشیدی دی ماراننی  /  گورمزیدی گوزلری قاش کمان دی

58-            طبیب اونا غلط دارو ورمیش دی/  روزگارون یاخجچی پیسین چکمیشدی

59-            هاشم بابا ناقیل لاردان دی یردی /  اردان قاشماخ گدر تهران دی یردی

60-            هاشیم بابا ننم گتدی سن هارا ؟  /   ئو رگیم قلبیم ووردون یارا

61-            هاشیم بابا سن ئولن د من ئولدوم / دوشمن لر یوخ دوست ایچیند بوقولدوم

62-            هاشم بابا ولی خانون اوغلیی دی  / اول لری پول دار آخیر یوخلیی دی

63-            چوخ پیس اولار گوی دن گلن یر لر /  آدی توشر یوسخوللوخ دان دیل لره

64-            اوغلان گلین فامیل اونی بگنمز  /   واری اولان وار اولمیانی گورمز

65-            هاشیم بابا ماران نی بیر کیشی یدی  /  امام رضا(س) دیماخ اونون ایشی یدی

66-             امام رضا (س)گوزل آدی گلندن   /  هاشیم بابا توکر دی یاش گوزلردن

67-            هاشم بابا تک قالموشام هاردا سان؟ /  بو دونیا دا ن تو خ  اولموشام هاردا سان؟

68-            باشیمدادی آغلاماقی باشلیام  /    غوصالاری شیطان کیمی داشلیام

69-            دردلری مین چوخی گدیب چوخی وار / مظلوم لاردان ظالیم لردن سونی وار

70-            موبَلیم منیم حالوم پریشان  /    تک قالموشام بو دونیادا بی نشان

71-            هچ گورمدیم منیم حالوم سروشان /من کوسن د ه تا پول مادی باروشان

72-            فلک سالدی یاخچی پیسی بوینوما /  دیلیم یوخدی دی یممیرم دوستوما

73-            غلام رضا دایی یادی خیر اولسون /  شوخلوق لاری اوخوماقی خیر اولسون

74-            عمریم یاندی اوننان سورا کول اولدی /اکدیک لریم گول اولدی سومبول اولدی

75-            اغلاماقوم پالچوق ادیب کوللری /   او پالچوق دا باتدی خلقین دیل لری

76-            یتمیش ایکی میلت سن د دولانور /  خیری شری دو وار لار دان بوی لانور

77-            کورجان سنین دورت بیر یانون باغ اولسون /جوان لارون قوجالارون ساق اولسون

78-            بیزه خوش لوق الورمدی عیبی یوخ / آق بیر چک لر اق سققل لر عمری چوخ

79-            منیم عمروم اللی بیر دی ای کورجان /تاپ ماموشام ئوزوم تکی تای کورجان

80-            اشیتمیشم کند گلیب ننوا     /      درد لریزین چوخی اولوبدی دوا

81-            چورک ای سی تندیر لر دن گلمیور / اوشاخ لاروز سققیز الوب چی نیور

82-            ارواد لاروز انوم اولوب ایشلمز   /     کپک لریز عاقل اولوب دیش لمز

83-            کند اولماساتهران نولار اج قالار  /         اج قالان دا کندیمیز دن باج الار

84-            نه خوش اولار تندیر لرین ایستی سی  /   کندلی قالار ئوز اکدی سی کندی سی

85-            ئوزی اکسین ئوزی درسین توخ اولسون /  یرلریزین برکتی چوخ اولسون

86-            کندین شهرین فرقی نه دیر بیلیر سن؟ /   چوخلارونی یاداسالوب دی ییر سن؟

87-            کندلی گدیر شهر دی ییر خوش اولور /  الین د کی گدیر الی بوش اولور

88-            شهرلی کندلی لرین قدرینی بیلمز  /   کند اوشاقی شهرد هچ وقت سویلمز

89-            کندین سوزی چول دی چای دی سامان دی / شهرین سوزی پول دی پول دی یالان دی

90-            شهری لرین قاشی گوزی کامان دی  /   ایمان الور عمر اپارور امان دی

91-            بیلدیر یای دا یولوم توشدی کورجانا  /  گوردوم اوشاخلاری گلیب لر جانا

92-            چوخ قوجالار گدیب توپراق التینا  /    قالان قوجالارون یامان حالینا

93-            چوخ جوانلار کو چوب گدیب تهرانا /    گدیب بلکه یاتموش بختی اویانا

94-            گدن گونلر سختلیک گونلر ایندی یوخ /تزک ییقن قالاخ یاپان آدی یوخ

95-            پراید آلوب پیکان آلوب قارنی توخ /  ارباب لارون کدخدالار سوزی یوخ

مطالب مرتبط:

معرفی کوریجانی موفق-مهندس جواد امینی

حاج محبعلی امینی یکی از نوادر روزگار

کورجان کندیم -شعر ترکی از حاج محبعلی امینی

/ 2 نظر / 65 بازدید
ح.غیبی

شعر بسیار زیبایی بود. با آرزوی سلامتی و طول عمر با عزت برای حاج آقا امینی .

ارسلان

عااااااااااااليييييي بود ولی خيليييييييي طولانيه